Watumishi
wa Tume ya Haki za Binadamu na Utawala Bora (THBUB), Ofisi ya Zanzibar,
wameshauriwa kuwa wabunifu, kuzingatia viwango vya juu vya weledi, na kufanya
kazi bila upendeleo ili kuongeza ufanisi katika utekelezaji wa majukumu yao ya
kila siku.
Wito
huo umetolewa leo tarehe 20 Novemba, 2026 na Mwenyekiti wa Tume hiyo, Wakili Danford
George Mpelumbe katika ukumbi wa Ofisi ya THBUB, iliopo Mombasa, Wilaya ya
Magharibi B Mkoa wa Mjini Magharibi wakati wa kikao kazi cha watumishi wa ofisi
hiyo kilicholenga kutathmini utendaji na kuweka mikakati ya kuboresha utoaji wa
huduma za Tume kwa wananchi.
Aidha,
Wakili Mpelumbe amewasisitiza Watumishi hao kuzingatia zaidi misingi ya haki,
usawa, na maadili ya utumishi wa umma kwani ni nguzo muhimu katika kujenga
imani ya wananchi kwa Tume hiyo, hususan katika kushughulikia malalamiko
yanayohusu uvunjifu wa haki za binadamu na misingi ya utawala bora.
Pia,
amewakumbusha watumishi hao kuendelea kufanyakazi kwa weledi kwani kutasaidia
kurahisisha upatikanaji wa haki na kuwafikia wananchi wengi zaidi kwa wakati,
hasa katika zama hizi za mabadiliko ya teknolojia.
Sambamba
na kuwasihi kubuni njia mpya za mawasiliano ya kisasa katika kuwafikia wananchi
wengi kwa wakati sahihi.
Akitoa
shukurani katika kikao hicho, Naibu Katibu Mtendaji, Bw. Juma Msafiri Karibona
amemuahidi Mweneyekiti huyo, kuyafanyia kazi kwa vitendo maelekezo yote
aliyoyatoa kwa ofisi hiyo katika kuhakikisha malengo ya taasisi hiyo yanafikiwa
kwa ufanisi mkubwa.
Halikadhalika,
Naibu Karibora amewahimiza watumishi hao kuendelea kuwa wasikivu hasa wanapohudumia
wananchi ili kuimarisha na kuendeleza malengo makuu ya Tume.



0 Comments