Makamu wa Pili wa Rais wa Zanzibar Mhe.Hemed Suleiman Abdulla Amefanya Zira Kukagua Mitaro ya Kupitishia Maji Taka

Makamu wa Pili wa Rais wa Zanzibar Mhe. Hemed Suleiman Abdulla akikagua Mtaro wa kupitishia maji ya mvua uliopita katikati ya makaazi ya wananchi wa Amani Viwanda Vidogo vidogo Wilaya ya Magharibi "B" Unguja.

Makamu wa Pili wa Rais wa Zanzibar Mhe. Hemed Suleiman Abdulla ameiagiza Mamlaka ya kukuza Uwekezaji Zanzibar (ZIPA ), TAMISEMI na OFISI YA WILAYA Magharibi “ B”  kuhakikisha mitaro yakupitishia maji ya mvua iliyopita katikati ya makaazi ya watu inaondoka katika maeneo hayo ili kuweka mazingira safi na salama.

Ameyasema hayo katika muendelezo wa ziara yake ya kukagua misingi yakupitishia maji ya mvua iliyopo Amani Viwanda vidogo vidogo na Tomondo changu Wilaya ya Magharibi "B" Unguja.

Amesema hatua za dharura zinahitajika kuchukuliwa ili kuweza kuyazibiti maji yasiingie majumbani mwa watu kwa kuihamisha mitaro yote iliyopita katika makaazi yao na kuiunganisha katika mitaro mikubwa inayopeleka maji baharini.

Mhe. Hemed amesema ni lazima mamlaka husika zishirikiane kwa pamoja katika kulitafutia ufumbuzi suala la kutuwama kwa maji machafu katika makaazi ya watu ambayo yamekuwa ni kero na usumbufu hasa wakati wa mvua.

Makamu wa Pili wa Rais wa Zanzibar amewataka wananchi kudumisha usafi katika maeneo yao, kuacha tabia ya kutupa taka katika mitaro inayopitisha maji ya mvua pamoja na kuhakikisha wananchimba makaro majumbani mwao ili kuepuka kusambaa maji machafu katika makaazi yanaweza kusababisha maradhi ya mripuko. 

Sambamba  na hayo Mhe. Hemed amewataka wananchi kujenga kwa kufuata utaratibu ili kuepuka kuziba vyanzo vya kupitishia maji jambo litwkaloleta usumbufu kwa wannachi wanaoishi katika maeneo hayo, na kuwasisitiza kuendelea kutoa ushirikiano kwa wakandarasi watakaojenga mitaro hio. 

Aidha, Mhe. Hemed ameiagiza Wizara ya Afya Zanzibar kuendelea kutoa elimu ya afya kwa wannachi hasa katika suala la kuzingatia usafi wa mazingira katika maeneo wanayoishi ili kujiepusha na ahari zinazoweza kujitokeza endapo mazingira wanayoishi yatakuwa sio rafiki kwa afya zao.

Nae Katibu Mkuu Wizara ya Nchi Ofisi ya Rais, Tawala za Mikoa, Serikali za Mitaa na Idara maalum za SMZ ndugu ISSA MAHFOUDH HAJI amesema asilimia kubwa ya maji yanayotuwama kwenye mitaro hio yanatoka ndani ya jengo la Viwanda vidogo vidogo  yanayosababishwa na kuziba kwa njia za kupitishia maji hayo kuelekea katika mtaro mkubwa jambo linalosababisha kujaa maji katika makaazi ya watu.

Katibu Issa amesema kwa sasa wanaendelea na zoezi la kusafisha katika maeneo yote hatarishi ikiwemo kuifanyia usafi mitaro yakupitishia maji ya mvua, kuondoa majaa katika sehemu zisizo rasmi na kuhakikisha usafi unafanyika katika maeneno mbali mbali ya Mji wa Zanzibar.

Kwa upande wake Sheha wa Shehia ya Kwamchina Bi. Zamzam Ali  Rijal amesema wanachi wa shehia yake wamekuwa wakipata  usumbufu wa majumba yao kujaa maji wakati inaponyesha mvua kufuatia Mitaro yakupitishia maji kujaa na kukosa njia ya kupelekea maji  hayo jambo linalosababisha  harakati za kimaisha kusita kutokana na barabara kujaa maji.

Bi. ZAMZAM amemuomba Makamu wa Pili wa Rais wa Zanzibar kupatiwa ufumbuzi tatizo la kujaa maji maeneo ya Tomondo changu na vitongoji vyake ili wananchi waweze kuishi katika mazingira salama wakati wote.

Katika ziara hio Makamu wa Pili wa Rais wa Zanzibar amekagua mitaro ya kupitishia maji ya mvua iliyopo Amani Viwanda vidogo vidogo na Tomondo Changu Wilaya ya Magharibi "B" .

 Imetolewa na Kitengo cha Habari ( OMPR )

tarehe ..2  / 09 / 2026