Jamhuri ya Muungano wa Tanzania inatarajia kunufaika na fursa mbalimbali za kiuchumi kutokana na kufanyika kwa Mkutano wa 12 wa Nchi Wanachama wa Mkataba wa Nairobi (COP12) unaoanza leo Oktoba 06, 2026 jijini Dar es Salaam.
Akizungumza katika kipindi cha Jambo Tanzania kinachorushwa na kituo cha runinga cha TBC1, Katibu Mkuu Ofisi ya Makamu wa Rais Dkt. Richard Muyungi amesema mkutano huo utakaowakutanisha washiriki zaidi ya 1460 kutoka nchi 10 wanachama.
Akizungumzia fursa hizo, Dkt. Muyungi alieleza kuwa asilimia 90 ya bidhaa zinapatikana katika ukanda wa magharibi mwa Bahari ya Hindi ambazo zinakadiriwa kuwa na thamani ya Dola za Kimarekani 330 zikihusisha uchumi wa utalii.
Alifafanua kuwa kupitia mkutano huo mkubwa, pamoja na mambo mbalimbali pia kutakuwa na masuala matatu yatakatojadiliwa na washiriki kutokana nchi hizo wananchama.
Dkt. Muyungi alibainisha kuwa kwa mara ya kwanza vijana wataguswa na agenda za mkutano hususan ushiriki wao katika kutambua fursa mbalimbali zinazotokana na bahari.
Alisema kupitia fursa hizo vijana watawezeshwa mbinu mbalimbali za kuchangamkia kuzingamkia na kuweza kujipatia kipato hivyo kuchangia pato la mmoja mmoja na la nchi pia.
Halikadhikalika, alieleza kuwa kupitia mkutano huo kundi la wafanyabiashara mbalimbali litakuwa katika nafas adhimu ya kujifunza na kutambua fursa zinazotokana na sekta ya uchumi wa buluu.
“Wengi tunafahamu kwenye bahari kuna aina mbalimbali za mazao kwa mfano tuna samaki wavuvi wana nafasi ya kutumia vizuri bahari kuvua samaki kwa ajili ya biashara na kitoweo, pia tunashughuli za utalii zinazotuingizaia kipato na pia tunaweza kupata gesia asilia kupitia bahari,” alisema.
Aidha, Dkt. Muyungi aliongeza kuwa kupitia Mkutano wa COP12 wanawake hususana wanaotoka pwani ya Zanzibar wataendelea kunufaika kwa kuwezeshwa kupanuka kwa soko la kilimo cha mwani.
Alisema mwani ni mojawapo ya mazao yanayoongeza pato la nchi hivyo wanawake wajasiriamali wanaojihusisha na kilimo hivyo watapata elimu ya kujiendeleza na hivyo kuleta tija.
Jamhuri ya Muungano wa Tanzania ni nmojawapo ya nchi wwanachama wa Mkataba wa Nairobi kuhusu Hifadhi, Usimamizi na Uendelezaji wa Mazingira ya Bahari na Ukanda wa Pwani ya Magharibi mwa Bahari ya Hindi.
Nchi Comoro, Kenya, Madagascar, Mauritius, Msumbiji, Shelisheli, Somalia, Ufaransa na Afrika Kusini.
.jpg)
.jpeg)
0 Comments