Rais wa Zanzibar na Mwenyekiti wa Baraza la Mapinduzi Alhajj Dkt.Hussein Ali Mwinyi Ameshiriki Katika Dua na Sala ya Jeneza Kuombea Marehemu Maryam Shaban Ramadhan ko

Rais wa Zanzibar na Mwenyekiti wa Baraza la Mapinduzi, Alhajj Dkt. Hussein Ali Mwinyi, akisalimiana na kutowa mkono wa pole kwa Katibu wa NEC,Idara ya Uchumi na Fedha CCM Taifa Ndg. Jamal Kassim Ali, kwa kufiwa na Mama yake Mzazi Marehemu Bi.Maryam Shaban Ramadhan, alipowasili katika viwanja vya Masjid Noor Muhammad Kwa Mchina Mwanzo.

Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, ameungana na Viongozi mbalimbali pamoja na Wananchi katika Sala ya Jeneza ya Marehemu Bi. Maryam Shaaban Ramadhan, Mama mzazi wa Katibu wa NEC,  Idara ya Uchumi na Fedha CCM Taifa, Ndg. Jamal Kassim Ali.

Sala hiyo ya Jeneza imefanyika tarehe 15 Septemba 2026 katika Masjid Noor Muhammad Kwa Mchina Mwanzo, Mkoa wa Mjini Magharibi Unguja, ambapo Rais Dkt. Mwinyi amejumuika na Viongozi, ndugu, jamaa na wananchi kumuombea Marehemu.

Aidha, Rais Dkt. Mwinyi ametoa pole kwa familia ya Marehemu, hususan Ndg. Jamal Kassim Ali, ndugu, jamaa na wote walioguswa na msiba huo, akiwataka kuwa na subira na ustahimilivu katika kipindi hiki kigumu cha majonzi.